Жаһандық құзыреттіліктер

№2 Михаил Ломоносов атындағы орта мектепте 2021-2022 оқу жылында вариативтік компонент сағаттарының есебінен «Жаһандық құзыреттіліктер» курсының «Медиасауаттылық» элективті курсынан білім беретін пән мұғалімі Қ.Сүйманованың ұйымдастыруымен облысымыздағы «Әулиеата-Медиа» ЖШС қарасты «Ар-Ай» жастар газеті, «Знамя труда» газеті және аудандық «Қордай шамшырағы-Кордайский маяк» газеттерінің өкілдерімен кездесу өтті. Кездесуге келген «Ар-Ай» жастар газетінің бас редакторының орынбасары Жасұлан Сейілханов пен «Знамя труда» газетінің ауданымыздағы меншікті тілшісі Серғазы Манасбаев журналистиканың қыр-сырын әңгімелеп берсе, аудандық газеттің тілшісі,  аудандық мәслихаттың депутаты Мадияр Қарабаев   қиындығы мен қызығымен бөлісті. Кездесу барысында журналистер мектеп оқушыларының   әсем әуендері мен күмбірлете ойнаған күйлерін тыңдап, кездесу соңында газеттер мен мектеп арасындағы ынтымақтастық және өзара іс-қимыл жөніндегі ниеттер туралы меморандумға қол қойды

.