Қазіргі заманауи педагогтің моделі

2020жылдың 4 желтоқсан күні аудандық білім бөлімінің әдістемелік кабинетінің ұйымдастыруымен "Жас мамандар мектебінің" жоспарына сәйкес "Қазіргі заманауи педагогтің моделі" тақырыбында онлайн конференция өтті. Конференцияны аудандық білім бөлімінің әдіскері, жас мамандар мектебінің жетекшісі Л. М. Хайдарова ашты. Жас мамандар мектебінің жұмыс жоспарымен таныстырды. Конференцияға аудан мектептерінен 85 жас маман қатысты. "Қазіргі заманауи педагогтің моделі" тақырыбында №2 Михаил Ломоносов атындағы орта мектебі директорының ғылыми-әдістеме ісі жөніндегі орынбасары А. М. Конбаева жас мамандарға қазіргі заман мұғалімінің моделін сомдатып, өз тәжірибесімен бөлісті. №3 Абай Құнанбайұлы атындағы орта мектебінің мұғалімі Г. Р. Оразбекова жас мамандарға бағалау құралдарын құрастыру туралы мәлімет берді. Конференция жас мамандардың "ашық микрофонымен" жалғасын тауып, жас мұғалімдер көкейкесті сұрақтарға жауап алды.