Киелі бесік

Ақпанның жиырмасыншы жұлдызында аудандық мәдениет үйінде «Киелі бесік» фестивалі болып өтті.Оған ауданымыздан 9 этно орталық қатысты. Фестиваль негізгі 2 кезеңнен тұрды. Бірінші кезең:«Бесікке бөлеу» дәстүріне қойылым көрсету. Екінші кезең :бесік жырын жанды дауыста нақышына келтіре орындау. Ал біздің ұстаздар татар-башқұрт орталығын таныстырды. Олар тек татар тілінде сөйлеп қана қойMay, татар халқының бесікке байланысты салт-дәстүрлерін толығымен көрсете білді. Ал екінші кезеңінде мектебіміздің жезтаңдай әншісі, ағылшын тілі пәнінің мұғалімі Рахимова Маржан Тойшыбековна бесік жырын татар тілінде өте жоғары деңгейде орындап шықты. Сонымен қатар, екінші кезеңінде ұстаздарымыз періштелер келбетін әсем би арқылы сомдады. Себебі, татар халқында,   бала ұйқыға кеткен кезде, періштелер оны үнемі қорғауда болады деген наным бар. Фестиваль соңында барлық этно орталықтар диплом, алғыс хат және сыйлықтармен марапатталды. Татар -башқұрт орталығы ең үздік «Бесік жыры» номинациясына ие болды.